Odriozola eta Esteban Legazpin ere garaile

Legazpiko 6. Ziklo Kros txapelketa jokatu dute Urtatzan hainbat mailatako 200 bat txirrindularik

Goierriko Hitza

2016/11/01

Elite mailako mutilen podiuma

Eguraldia lagun izan dute gaur Legazpiko Urtatzako gainetan bertako Ziklo Krosaren 6. ekitaldian parte hartu duten 200 bat txirrindularik. Elite mailan Olatz Odriozola gipuzkoarra nesketan eta Ismael Esteban kantabriarra nagusitu dira. Biak ala biak ondo baino hobeto ekin diote aurtengo ziklo kros denboraldiari, izan ere, Abadiñoko podiumera igo ziren biak orain bi asteburu eta Esteban lehena izan da Laudion aurreko asteburuan jokatutako krosean, zeinak Espainiako Txapelketarekin bat egin duen. Kadete eta juniorrek izan dute lanik zailena ibilbidea ihintzak bustita zegoelako goizean. Juniorrak eta elite mailako neskak atera direnerako belarra lehor zegoen eguerdi parteko eguzkiaren epelean. Gaur lokatzik ez dute izan traban eta lasterketa azkarrak izan dira denak. Behin froga guztiak amaituta, umeen txanda izan da; lehenengo 7 urtera arteko haurrak eta ondoren 7tik 13ra bitartekoak. Goierriko txirrindulari harrobiak ikuskizun ederra eskaini du. Sailkapena: Elite mailako neskak