ETBko Hitzetik Hortzera saioa Goierri aldera begira jarriko da aste honetan ere. Batetik, Bertsozale Elkarteko lehendakari kargua utzi berri duen Iñaki Murua gabiriarra elkarrizketatuko dute. 13 urte egin ditu elkartearen buruan, eta ibilbidearen eta agurreko sentsazioen inguruan galdetuko diete.
Bestetik, Erlezain Egunaren harira Zegaman egindako bertso saioaren laburpena eskainiko dute. Maialen Lujanbio, Aitor Mendiluze, Sustrai Colina, Amets Arzallus, Igor Elortza, Aitor Sarriegi, Beñat Gaztelumendi, Unai Agirre eta Iker Zubeldia aritu ziren oholtza gainean.
Saioa, igande eguerdiko 15:00etan eskainiko dute zuzenean, ETBren lehen katean.
