37 siziliar Urretxu eta Zumarragan
Urretxu-Zumarraga Ikastolak Siziliako Augusta herriko Instituto de Istruzione Superiore A. Ruiz Augusta ikastetxearekin trukea egin du. Ikastolako DBH4ko ikasleak martxoan egon ziren Sizilian eta siziliarrak larunbatean etorri ziren Euskal Herrira.
Urretxu-Zumarraga Ikastolak Siziliako Augusta herriko Instituto de Istruzione Superiore A. Ruiz Augusta ikastetxearekin trukea egin du. Ikastolako DBH4ko ikasleak martxoan egon ziren Sizilian eta siziliarrak larunbatean etorri ziren Euskal Herrira. Bertako ikasleen etxeetan daude. 37 ikasle etorri dira.
Gaur, Urretxu eta Zumarragako udaletxeetan harrera egin diete. Bihar Igartubeiti eta Mirandaolara joango dira, asteazkenean Donostiara, ostegunean Bilbo eta Gaztelugatxera eta ostiralean Antiora. Gainera, lizeoan tailerrak egingo dituzte. Ostiral gauean agur-afaria egingo dute. Italiarrak larunbatean itzuliko dira etxera.
