Hiru kamioik elkar jo dute N-1ean, eta ilara luzeak sortu dira
Ezbeharra dela eta trafikoa eten behar izan dute, eta Ordiziaraino iritsi dira auto ilarak.
Trafiko ezbehar batek N-1 errepideko zirkulazioa eten du, arratsaldeko 15:00ak aldera. Hiru kamioik elkar jo dute, Legorreta eta Ikaztegieta arteko tunelean, Donostiako norantzan. Bi erreiak itxi behar izan dituzte, eta auto ilada luzeak sortu dira, eta 16:00ak aldera, Ordiziaraino iristen ziren. Larrialdi zerbitzuetakoak bertan ari dira lanean, eta 16:30erako erraietako bat zabaltzea lortu dute.
