Jon Olano ‘Olarius’ omentzeko festa egingo dute igandean
Poteo musikatua eta bazkaria egingo dituzte eguerdian. Gaur da bazkarirako txartelak erosteko azken eguna. Arratsaldean Señor No taldeak joko du, gaztetxean.
Iazko martxoaren 8an hil zen Jon Olano Olarius-en omenezko festa egingo da igandean Beasainen. Egun osoko egitaraua prestatu dute. 12:00etan, poteo musikatua egingo dute plaza azpitik hasita. Era berean, Zaldizurreta kalean murala margotzen hasiko dira.
Ondoren, 14:30ean, bazkaria egingo dute Loinazko San Martin plaza azpian. Aukera orojalea edo begetarinoa egongo dira, eta Antzizar eta Irizar tabernetan eros daitezke txartelak 16 euroan (langabetuek eta haurrek 13 euro); gaur da txartelak erosteko azken eguna.
Arratsaldean gaztetxean
Arratsaldeko 18:00etan, gaztetxera joango dira, musika lagun dutela, eta 19:00etan, omenaldia eta kontzertua egingo dituzte Señor No musika taldearekin.
