Irati Zubizarretak garaipen berri bat lortu du Dolomitetan
Cortina Skyrace Lavaredo trail proba irabazi du korrikalari beasaindarrak, Italiako Dolomitetan.
Hogei kilometro eta 1000 metroko desnibel positiboa. Horiek dira Lavaredon (Italia) jokatutako Cortina Skyrace trail probaren ezaugarriak. Irati Zubizarreta korrikalari beasaindarrak beste erakustaldi bat eman du Dolomitetako proban, lasterketa irabazita. Bi ordu eta zortzi minutu behar izan ditu, bigarren egin duen Katarzyna Wilk-ek baino kasik hiru minutu gutxiago.
Emakumezkoetan sailkapena:
- Irati Zubizarreta ………….. 2:08:30
- Katarzyna Wilk ……………. 2:11:15
- Laia Gonfalus Selles …….. 2:12:40
