Dantzak eta musikak toki berezia izango dute Udazken Kulturalean
Aurtzaka dantza taldeak 40. urteurrena ospatuko du urriaren 19an. Maria Amolategi eta Victor Sanchezek 'Matilda' diskoa aurkeztuko dute. Benito Lertxundik urriaren 25ean joko du
Udazkenarekin batera hasi eta azaroaren erdialdera arte, kultur eskaintza zabala izango da Beasainen. Herriko kultur taldeen eta udalaren elkarlanaren emaitza da aurtengo Udazken Kulturala ere. Musikarekin batera, Aurtzaka dantza taldearen 40. urteurrenak protagonismo berezia izango du.
Buruhandiekin, Kantujira taldearen saioarekin eta Maria Amolategi eta Victor Sanchezen Matilda diskoaren aurkezpenarekin hasiko da ostiralean kulturaldia. Larunbatean, berriz, Soka erakusketa inauguratuko dute eta bere inguruan hainbat ekintza egingo dituzte. Bestalde, Andre Mari elizako organoa konpontzeko herritarrek emandako laguntza eskertzeko, kontzertua antolatu dute urriaren 13rako, Easo eta Eskolania abesbatzekin eta Ana Belen Garcia organo jotzailearekin. Benito Lertxundiren saioa ere izango da Usurbe Antzoki berrituan.
Dantzari dagokionean, urriaren 19an egingo du Aurtzak egun osoko ekitaldia, dantza saio, bazkari eta erromeriarekin. Dantzakik, urriaren 27an egingo du urteroko jaialdia.
Berrikuntzekin jarraituz, Zanpaldunak Beasaingo joaldun taldeak, lehenengo irteera egingo du urriaren 13an, 12:00etan.
Ekitaldi nagusiak:
· Irailak 27. Maria Amolategi eta Victor Sanchezen kontzertua.
· Irailak 29. Aitor Garitano eta Gerardo Rifonen kontzertua.
· Urriak 4. Kresala Dantza Taldearen Ikonografiak.
· Urriak 5. Boluntario eguna.
· Urriak 13. Aire libreko pintura lehiaketa, Zanpaldunak eta kontzertua elizan.
· Urriak 19. Aurtzakaren 40. urteurreneko eguna.
· Urriak 21-26. Mendi astea.
· Urriak 25. Benito Lertxundi, Usurbe Antzokian.
· Urriak 26. Txistularien eguna.
· Urriak 29. Josetxo Zufiaurreren Baserritarren iraganeko lan egutegia liburuaren aurkezpena.
· Urriak 31. Belgikako Swara Vocal Ensemble abesbatza.
· Azaroak 2. Argazki rallya eta odolki lehiaketa.
· Azaroak 8. Bertso saioa, Eneko Araiztegi, Agin Laburu, Maialen Lujanbio, Maider Arregi, Iñaki Apalategi eta Amets Arzallus bertsolariekin.
· Azaroak 9. Aspanogiren aldeko festa.
