Lokatzetako festa Itsasondon
Mutiletan Ampo Ikolan Sport taldeko Jon Eskisabel gabiriarra eta Amets Mujika beasaindarra izan dira txapeldunak; nesketan, Maddi Saizar eta Uxue Polo.
Mendiko bizikletak hartu eta Itsasondoko Beko Kalearen eta Elordiko zelai artean, Jaso ondoko zelai lokaztuan jokatu da gaur arratsaldean Gipuzkoako eskolarteko ziklo kros proba. Benjamin, alebin eta infantil mailako 200 txirrindulari inguru elkartu dira.
2013. urtetik ziklo kros probarik antolatu gabe zeuden Itsasondon. Baina berriro ere harrobia egin nahian edo, iaz eskolarteko ziklo kros proba antolatu zuten. Erantzun ona izan zuen eta bigarrengoan, aurten, ere bai. Alebinetan eta infantiletan Gipuzkoako txapelak zeuden jokoan, eta mutiletan biak Goierriko Ampo Ikolan Sport taldeko txirrindulariek jantzi dituzte: alebinetan mutiletan Jon Eskisabel gabiriarrak eta infantil mutiletan Amets Mujika beasaindarrak. Nesketan, berriz, alebinetan Oriako taldeko Maddi Saizar berastegiarra izan da txapelduna eta infantiletan Otxe taldeko Uxue Polo.
