Iparra-Hegoa etxetik etxera
Atzo adibidez, bertso saioa egin zuten etxeko balkoietatik. Gaur, berriz, 19:30etik 20:30era, Bull disko jartzaileak zuzenean saioa eskainiko du Iparra-Hegoako Instagram kontutik.
Egoera aldrebesari, buelta eman dio Iparra-Hegoa elkarteak, eta egitarau berezia prestatu dute astebururako, Interneten eta sare sozialen laguntzarekin.
Atzo adibidez, bertso saioa egin zuten etxeko balkoietatik. Gaur, berriz, 19:30etik 20:30era, Bull disko jartzaileak zuzenean saioa eskainiko du Iparra-Hegoako Instagram kontutik.
Bihar, 19:00etan, Xutiken Iparra-Hegoa abestia lehenik eta Niko Etxarten Euskal Rock and Rolling abestiak kantatuko dituzte balkoietan.
Igandean, azkenik, Segurako alboradaren ondoren, Anje Duhalderen Maitasun Nortasun kantua abestuko dute. Abesti horrekin lotuta, beste egitasmo bat ere proposatu dute: Maitasun Nortasun abestu, grabatu eta 679 680 605 zenbakira bideoa bidaltzea larunbat gaua baino lehen.
Bestalde, Iparra-Hegoako kamiseta jantzita, argazkia atera eta sare sozialetara igotzeko deia ere egin dute, #iparrahegoa #iparrahegoa25 urte eta #iparrahegoaetxean traolak erabiliz.
