Bertso erromeria egingo dute larunbatean Igartzatik Arriaranera artean
Igartzako zubitik 11:30ean hasita, Arriaranera iritsi bitartean, bost geldiune eta bertsoaldi egingo dituzte Igor Elortza eta Unai Iturriaga bertsolariek.
Igor Elortza, ezkerretik hasita lehenengoa. COVID-19ak irudimena lantzea ekarri du eta Arriarango Intxaurpe elkarteak proposamen berritzailea proposatu du larunbaterako: bertso erromeria, Igor Elortza eta Unai Iturriaga bertsolari bizkaitarrekin. “Segurtasun neurri guztiekin, kultura segura egingo dugu”, diote antolatzaileek.
Ondorengoa da plana: 11:30ean Igartzako zubitik abiatu eta Arriaran arteko bidea oinez egitea. (Eguraldi txarra egingo balu, Igartzan egingo lukete saioa). Ibilbidean zehar bost tokitan geldialdiak egingo dituzte eta bertsolariek 15-20 minutuko bertsoaldiak egingo dituzte geldiune bakoitzean, inguruan dituzten gaiak oinarri hartuta. Baserria, industria, AHT-a…
