Legazpiko pintura lehiaketa amaitzear
Azaroaren 20an amaituko da Arkatzak antolatutako sariketara lanak aurkezteko epea. Etxean egindako lanak Kultur etxean entregatu beharko dira.
Iazko lehiaketako irabazleak Legazpiko Udaleko ordezkarien artean Hilaren 20ra arte dago indarrean Legazpiko Arkatza elkarteak antolatutako Jose Martin Etxeberria pintura lehiaketa. Lehiaketa hori iraila amaieran egin ohi izan da, eta partaideek kalean egunean bertan egin behar izaten diztuzte lanak, baina aurten etxean egindako lanak aurkeztu beharko dituzte. Margo lanak aurkezteko epea azaroaren 20an amaituko da, 12:00etan. Kultur etxeko sarreran entregatu beharko dituzte.
Gaia libre da, eta lanak 130 x 97 cm-koak izan beharko dira . Arkatzak hiru sari banatuko ditu: lehena, 500 eurokoa, bigarrena 350 eurokoa, eta herriko onena, 300 eurokoa. Sari banaketa ekitaldia azaroaren 27an egingo dute.
