Haurrentzako zinema saioak itzuli dira Latxartegira
Igandeetan izan ordez, larunbat arratsaldeetan izango dira. Asteburu honetan hasiko dira berriz, hilabetez etenda egon ondoren.
Pandemiaren eraginez agintariek ezarritako azken neurriek igandeetako haurren zinema saioak etetea ekarri zuten Legazpin, gainerako saioen hasiera ordua aurreratzearekin batera. Hilabete eta gero, ordea, berriz hasiko dira haurren saioak, baina igandeetan izan beharrean, larunbatetan izango dira, 17:00etan.
Abenduko lehen saioa larunbat honetan bertan izango da, abenduaren 5ean, Trolls, 2: la gira mundial pelikula botako dute. Hurrengo saioa, abenduaren 19an izango da, eta ordurako Las brujas pelikula iragarri dute.
Asteburu honetako karteldegia, ostiraleko Eso que tu me das, eta igandeko eta astearteko Rifkin’s festival pelikulek osatuko dute. Hiru saioak 19:00etan hasiko dira.
Zinemarako sarrerak egunean bertan Latxartegi aretoan eros daitezke, baina baita aurrez ere eskura izateaz gain, aurrez ere https://latxartegisarrera.sacatuentrada.es/ webgunean. Bertan, pelikulen informazioa ere jasotzen da
