Bertso saioa antolatu dute Itsasondon ekainaren 4rako
Jon Maia, Alaia Martin eta Xabier Silbeira ariko dira, frontoian. Aforoa dela eta, aurrez eman behar da izena.
Jon Maiak, Alaia Martinek eta Xabier Silbeirak bertso saioa egingo dute ekainaren 4rako. Gai jartzaile lanetan, berriz, Mikel Mendizabal ariko da. Saioa 19:00etan izango da, Itsasondoko frontoian. Aforo mugak direla eta, bertara joateko asmoa dutenek aurrez eman beharko dute izena, udalaren webgunean sartuta.
