Iratzarrik puntu eta kakorratz tailerra antolatu du
Otsailaren 16atik apirilaren 6ra bitartean izango da, eta izena emateko egunak otsailaren 2a eta 9a dira.
Iratzarri emakume elkarteak tailer berri bat jarriko du martxan otsailean. Puntu eta kakorratz tailerra izango da, eta otsailaren 16tik apirilaren 6ra bitartean emango du Sorkunde Larrañagak, elkartean bertan. Klaseak asteazkenetan izango dira, 18:00etatik 20:00etara.
Izena emateko egunak otsailaren 2a eta 9a dira, 16;30etik 18:00etara. Posta elektroniko bidez ere eman ahal izango da izena: iratzarri.legazpi@gmail.com. Sei lagunentzako tokia izango da, eta izen-ematearen hurrenkera errespetatuko da.
