Aitz Zorrotzekoek ehiza txapelketa egingo dute Araban
Junior, senior eta beteranoen kategoriatan lehiatuko dira. Dagoeneko 25 lagunek partaidetza baieztatu dute
Aitz Zorrotz elkartekoek ehiza txiki txapelketa egingo dute etzi, Zanbranan (Araba). Izen ematea zabalik dago. aitzzorrotzelkartea@gmail.com helbidera idatzi behar da edo egunean bertan 08:00etarako ehiza-barrutian azaldu.
Junior, senior eta beteranoen kategoriatan lehiatuko dira. Elkarteko bazkideek doainik izango dute eta ez direnek 30 euro ordainduko dute. Dagoeneko 25 lagunek partaidetza baieztatu dute. Amaitutakoan otordua egiteko aukera badagoela gogorarazi dute, ehiza-barrutiko tabernan, norberak ordainduta.
