Lokatza podcast feministari Ondas saria emango diote
Idurre Eskisabel eta Lorea Agirre beasaindarrak dabiltza, besteak beste, Lokatza podcastaren atzean
Idurre Eskisabel eta Lorea Agirre beasaindarren Lokatza podcast feministari “estatuko hizkuntza koofizialen” podcast onenaren saria emango diote. “EITBk bere hedabideetan emakumeen presentzia sustatzeko apustu irmo eta argia egin du. Lokatza mundua ikuspegi feministarekin azaltzeko, entzuteko eta ulertzeko modu berri bat da”, argudiatu du epaimahaiak. Epikari, desioari, etxeari, bidaiei, gatazkei, sormenari eta botereari ikuspegi feministatik heldu diote lehen denboraldian. Sariak banatzeko ekitaldia maiatzaren 24an egingo dute, Malagan (Espainia).
