Olaberriko eskolako haurrek 100 zuhaitz aldatu dituzte
Zuhaitz Eguna egin dute Olaberriko Herri Eskolako ikasleek, gurasoek eta irakasleek lagunduta.
Olaberriko Herri Eskolako neska-mutikoek, gurasoek eta irakasleek ostiralean izan zuten Zuhaitz Eguna. Herri jabetzako lur sail batean ehun lizar eta haritz baino gehiago landatu zituzten, udaletxeko langileek lagunduta. Azken urteetako bideari jarraituta, bertako zuhaitz espezieak aukeratu dituzte, haurrei landaketaren ohitura txikitatik erakusteko.
