Xabi Zurutuzaren fan klubak 2.000 euro eman dizkio moto pilotuari
Elkarteak 200 bazkide inguru ditu. Gehienak legazpiarrak dira, baina Nafarroa, Katalunia, Valladolid, Valentzia, Galizia eta Andaluziakoak ere badaude.
Xabi Zurutuzaren fan klubak 2.000 euroko balioa duen txeke bat entregatu dio Legazpiko moto pilotuari, atzo Hogei tabernan egindako ekitaldi batean. Iaz sortu zuen fan kluba Zurutuzaren jarraitzaile talde batek, moto pilotua Europa mailan lehiatzen ari zen txapelketako gastuei aurre egiten laguntzeko, eta dagoeneko 200 bazkide inguru ditu. Gehienak legazpiarrak dira, baina Nafarroa, Katalunia, Valladolid, Valentzia, Galizia eta Andaluziakoak ere badaude. Aurten mundu mailako txapelketan parte hartuko du legazpiar gazteak, Italiako MTA taldearen babesean.
Fan klubaren kide izateko aukera badago oraindik, urtean 35 euro ordainduta. Trukean, kamiseta bat, bazkide txartela eta zozketetan parte hartzeko aukera izango dute. Kamisetak ere salgai daude, 20 euroan. Informazio gehiago klubaren egoitza den Hogei tabernan edo xabi85fanclub@gmail.com helbidean lortu daiteke
