Internetez, zuzenean ikusi ahal izango da bihar Doinuako ikasleek Eurodisneyn egingo duten kontzertua
Musika eskolako 68 ikaslek osatutako bandaren emanaldia 12:00etan izango da.
Doinua musika eskolako ikasleek bihar larunbata Parisko Eurodisney parke tematikoan eskainiko duten kontzertua streaming bidez jarraitzeko aukera dago, honako lotura honetan: https://www.youtube.com/watch?v=DEiyz8cOLG0.
Kontzertua 12.00etan izango da, baina 11:50etik aurrera konektatzeko aukera egongo da.
Doinuako 68 ikaslek osatutako bandak Disneyren bederatzi piezez osatutako errepertorioa prestatu dute; Aladin, The Mandalorian, Star Wars, The Jungle Book (Ohianeko liburua), Frozen, Moana eta Coco pelikuletakoak dira. Leire Narbaiza da zuzendaria.
Pasa den igandean aurkeztu zuten kontzertua Latxartegi aretoan, legazpiarren aurrean.
