Gaztetxoentzako argazki ikastaroa antolatu du Ikatzak
Hilaren 26tik 30era bitartean emango du. Prezioa 5 eurokoa da.
Pandemia aurretik eman zuen Ikatzak gaztetxoentzako azken ikastaroa. ARGAZKILARIA: Asier Imaz Ikatza argazkilari elkarteak ikastaro berri bat antolatu du, 10 eta 16 urte bitarteko gaztetxoei zuzenduta oraingoan. Kultur Etxean eman behar da izena parte hartzeko, hilaren 21era arte.
Ikastaroa Mikel Bravo Ikatzako kideak eta argazkilariak emango du, hilaren 26tik 30era bitartean, 10:00etatik 12:00etara, elkarteak Kultur Etxean duen lokalean. Prezioa 5 eurokoa da, eta 12 pertsonentzako tokia izango du. Matrikula lehen egunean bertan ordaindu beharko da.
Kultur Etxean, 943 73 72 02 telefonora deituz edo kultura@legazpi.eus helbidera idatzita eman behar da izena. Izen-abizenak, adina, helbidea eta telefono zenbaki bat eman behar dira.
