Samuel Fernandezek irabazi du 95. Loinatz Proba Klasikoa
Gaur goizean jokatu da Beasainen Loinatz Probaren 95. edizioa. Podioa Caja Rural-Alea taldeko beste bi txirrindularik osatu dute: bigarren izan da Julen Arriola-Bengoa, eta hirugarren Lucas Joseph Towers.
Gaur goizean jokatu da Beasaingo 95. Loinatz Proba Klasikoa, XII. Ion Lazcanoren oroimenezkoa. Caja Rural-Alea taldea izan da nagusi, podioa talde horretako hiru txirrindularik osatu baitute. Taldeko saria Caja Ruralentzat izan da. Samuel Fernandezek irabazi du proba eta helmugan bakarrik sartu da. Hamar segundora iritsi dira, batera, Julen Arriola-Bengoa, eta Lucas Joseph Towers. Bigarren eta hirugarren egin dute hurrenez hurren.
109 txirrindularik amaitu dute proba. 140 kilometro egin dituzte. Mendiko lehenengo saria Eise taldeko Jon Arakama zegamarrak irabazi du, bigarren saria Lucas Joseph Towers-ek, eta hirugarren saria Samuel Fernandezek.
Sariak, puntuz-puntu
Probaren irabazleak:
1. Samuel Fernandez Garcia (Caja Rural-Alea).
2. Julen Arriola-Bengoa (Caja Rural-Alea).
3. Lucas Joseph Towers (Caja Rural-Alea).
Mendiko sariak:
1. Jon Arakama Zeberio (Eiser-Hirumet).
2. Lucas Joseph Towers (Caja Rural-Alea).
3. Samuel Fernandez Garcia (Caja Rural).
Tarteko helmugak:
1. Iñigo Eizagirre Mujika (Eulen-Nuuk).
2. Jose Fabrizio Martinez Huerta (Intxausti).
3. Jon Arakama Zeberio (Eiser-Hirumet).
Taldeko sariak:
1. Caja Rural-Alea.
2. Gomur Cantabria Infinita.
3. Eiser-Hirumet.
Samuel Fernandez Loinatz Probako helmugan sartzen. //Argazkia: Oscar Matxin.
