Bidali udako zure argazkia
GOIERRIKO HITZA-K 18. urtez antolatu du udako argazki lehiaketa. Edonork har dezake parte, baina Hitzakide direnek sari bereziak irabazteko aukera izango da. Epea, irailaren 17ra arte.
Abuztua ate joka dago dagoeneko, eta oporretara abiatzeko garaia da askorentzat. Bainujantzi, toalla eta gainontzekoekin batera, argazki kamera ere maletan sartu beharrekoa da. Are gehiago, GOIERRIKO HITZAren XVIII. Argazki Lehiaketak dakartzan sariak ikusita; oporretako argazki bat bidali, eta ikasturte berria sari potolo batekin hasteko aukera ederra.
GOIERRIKO HITZAk 18. urtez antolatu du lehiaketa. Edonork har dezake parte, irakurle guztientzako irekia baita. Hitzakide direnek, ordea, sari bereziak irabazteko aukera izango dute: Nekaturrek eskainitako 120 euroko opari-txekea, eta Zeraingo Ostatuan bi lagunentzako otordua banatuko dira aurten. Publikoaren boto gehien jasotzen duen argazkiak 70x50eko argazki handitze bat izango du saritzat.
Irailaren 17ra arte
Parte hartzeko goierri.hitza.eus webgunean dagoen formularioa bete behar da. Datu guztiak sartzea derrigorrezkoa da eskaera ondo onartzeko. Parte-hartzaile bakoitzak argazki bakarra aurkeztu ahal izango du. Irailaren 17an bukatuko da epea.
OINARRIAK
- Lehiaketa. Goierriko Hitzaren Udako XVIII. Argazki Lehiaketa.
- Argazkiak bidaltzeko epea. Irailaren 17ra bitartean bidal daitezke argazkiak. goierri.hitza.eus webguneko lehiaketaren ataleko formularioan, datu guztiak beteta.
- Botoa emateko epea. Irailaren 18tik 24ra, webgunean.
- Argazki irabazleak. Irailaren 26an argitaratuko dira.
- Parte-hartzea. Irekia izango da parte hartu nahi duten guztientzat. HITZAkideek sari berezietarako aukera izango dute.
- Sari banaketa. Urriaren 5ean, 19:00etan, Lazkaoko Biziola fabrikan.
SARIAK
- Hitzakideen 1. Saria. Nekaturrek eskainitako 120 euroko txeke oparia. Urteko edozein garaitan eta Nekaturreko edozein landa ostatutan erabiltzeko
- Hitzakideen 2. Saria. Zeraingo Ostatuak eskainitako bi lagunentzako otordua.
- Irakurleen botoa. Webgunean boto gehien jasotzen duen argazkiak 70x50eko argazki handitzea irabaziko du, Beasaingo Foto Alzuri dendak eskainia.
