Koldobike Olabide Legazpiko alkate ohiak Mendietako eta Natura Inguruneko zuzendari kargua hartu du Foru Aldundian
Olabide zortzi urtez izan da Legazpiko alkatea, azken bi legealdietan. Ekonomia Sustapena, Turismo eta Landa Inguruneko Departamentuan egingo du lan orain.
Koldobike Olabide legazpiarra, ezkerrean; Eider Mendoza Diputatu Nagusiarekin, urralde Oreka Berdeko Diputatua den Xabier Arrutirekin eta Nekazaritzako eta Lurralde Orekako Arantxa Ariztimuño zuzendariarekin. Koldobike Olabidek aste honetan hartu du Gipuzkoako Foru Aldundiko Mendietako eta Natura Inguruneko zuzendari kargua. Azken bi legealdietan Legazpiko alkate izan ondoren, Aldundiko Ekonomia Sustapena, Turismo eta Landa Inguruneko Departamentuan egingo du lan orain.
Lurralde Oreka Berdeko Diputatua den Xabier Arrutik gidatuko du departamentua, eta Mendietako eta Natura Inguruneko Zuzendaritzarekin batera, Nekazaritzako eta Lurralde Orekako zuzendaritzak egongo da osatuta. Arantxa Ariztimuño da Nekazaritzako eta Lurralde Orekako zuzendaria.
