Patin ikastaroetarako izena emateko epea ireki dute Legazpin
Klaseak astelehen eta asteazken arratsaldetan izango dira, Haztegi ikastolako pilotalekuan. Haurrentzako zein helduentzako dira.
Eraldatuz Euskal Irristaketa taldeak antolatuta, datozen egunetan hasiko dute ikasturte berria Legazpiko patinatzaileek, eta ikastaroetan parte hartu nahi dutenentzat izen ematea ireki dute. Ikastaroak helduentzat eta umeentzat izango dira, eta hainbat taldetan eta mailatan banatuta, Haztegi ikastolako pilotalekuan emango dituzte, astelehen eta asteazken arratsaldetan:
Astelehenak
- 17:30-18-30, Lehen Hezkuntzako 3. eta 4. mailako ikasleak
- 18:30-19:30, helduak, jarraipena
- 19:30-20:30, helduak, goi maila
Asteazkenak
- 18:30-19:30, LHko 1. eta 2. maila
- 19:30-20:30, helduak, hasi berriak
Izena emateko 613 130 139 telefono zenbakira deitu edo ehirristaketa@gmail helbidera mezu bat bidali behar da.
