Hegialdeko goitibehera probarako izena eman daiteke
Maldan Behera taldeak antolatuta, ekainaren 1eko arratsaldean jokatuko da, Urtatzazarreko parketik beherako bidean.
Aurtengo Hegialdeko jaiak ekainaren 7tik 9ra bitartean ospatuko badira ere, aurreko asteburuan goitibehera proba jokatuko da, eta izenak emateko epea irekita dago.
Maldan Behera Inertzia Taldeak antolatuta, ekainaren 1ean jokatuko da proba, Legazpiko Goitibeherak izenarekin, eta hamargarren edizioa izango da. Arratsaldean izango da, 16:00etatik aurrera, Urtatzarreko parketik behera. Euskal Inertzia Koparako puntuagarria izango da.
Izena eman nahi dutenek www.euskalkopa.com/legazpi webgunean egin dezakete. Herritarrek ez dute ordaindu beharko, eta probarako Sputnik goitibeherak eskuragarri egongo dira.
