Haurren marrazki lehiaketa egingo du Arkatzak larunbat goizean
Legazpiko Lehen Hezkuntzako ikasleei zuzenduta dago. Irabazleen izenak hilaren 20an emango dira jakitera. Aurkeztutako lan guztiekin erakusketa egingo da hurrengo egunetik hilaren 24ra arte.
Legazpiko Arkatza elkarteak herri mailako 21. marrazki lehiaketa antolatu da larunbaterako, hilak 11. Lehiaketa kalean egingo da, eta herriko Lehen Hezkuntzako ikasleei zuzenduta dago. Partaideak 10:00etan agertu beharko dira Kultur Etxera, eta ondoren, 13:00ak arteko denbora izango dute lana egiteko eta entregatzeko.
Hiru mailatan banatuko dira partaideak: A (LH 1 eta 2 mailakoak), B (LH 3 eta 4 mailakoak) eta D (LH 5 eta 6 mailakoak). A eta B mailentzat gaia librea izango da, eta D mailakoei marrazteko gaia jarriko diete.
Hilaren 20an, astelehenean, sari banaketa ekitaldia egingo du Araktzak, 19:00etan, Kultur Etxeji areto nagusian. Hurrengo egunetik hilaren 24ra arte lan guztiak ikusgai egongo dira erakusketa aretoan.
