Kapela dantza egingo dute larunbatean Legazpin Santikutz jaiak ixteko
Dantzariak eta txistulariak 12:00etan elkartuko dira plazan, eta handik abiatuta, erdigunean zehar ibiliko dira.
Santikutz jaiei amaiera emateko, Kapela dantza egingo dute Legazpin larunbatean, plazatik 12:00etan abiatuta. Soka dantzaren bertsio jostagarria da kapela dantza, eta partaideek daramaten lastozko kapela da bere adierazle nagusia.
Sustraiak dantza taldeko kideak eta lagunak izango dira dantzan kalez kale Goiz Deia txistularien doinuaz lagunduta. Kapela dantza 12:00etan hasiko da plazan, baina partaideek 11:00etan hasiko dute festa, denak elkarrekin gosaltzeko geratu baitira.
