Oianguko pilotariek "sentsazio gazi-gozoarekin" amaitu dute GRABNI txapelketa
GRABNI txapelketan "maila txukuna erakutsi duten arren ezin izan dute txapelik lortu". Gipuzkoako paleta larruzko trinkete txapelketa eta pala luzeko txapelketak asteburu honetan hasiko dira.
Oianguko pilotarientzat “sentsazio gazi-gozoekin” bukatu da GRABNI txapelketa, “maila txukuna erakutsi duten arren ezin izan dute txapelik lortu”. Aitor Otegi eta Josema Garrido klubeko arduradunek aurkeztatutako pilotarietatik bi bikote sartu dira finalean, bata paleta larruz jubenilen mailan eta bestea paleta larruz senior mailan, “bi bikoteen aldetik txapelketa txukuna izan den arren ezin izan dute garaipena bereganatu Nafarren aurkako lehian”.
Trinkete eta pala luzeko txapelketak
Txapelketa ofizialekin jarraituz, Gipuzkoako paleta larruzko trinkete txapelketa eta pala luzeko txapelketak asteburu honetan hasiko dira.
Larunbat 09:30etik aurrera Irurako Ametsa trinketean larruzko partidak eta igande goizean berriz pala luzeko partidak Andoaingo Arrate pilotalekuan. Parte hartuko duten Oianguko pilotariak hauek dira:
Paleta Larruz Trinkete bikoteak:
-Oiangu 1: Ropero – Ibarguren
-Oiangu 2: Ormazabal – Luzuriaga
-Oiangu 3: Oyarbide – Etxeberria
Pala Luzeko bikotea:
-Oiangu: Otegi – Letamendia
Gaztetxoak ere lanean
Alebin Mailan, apirilaren 27 tik Gipuzkoako txapelketa jokatzen ari dira beste hiru bikote (Ander, Markel, Harri, Inar, Mattin eta Hodei) eta infantil mailan ere badira beste bi bikote errendimendu mailan Gipuzkoako paleta larruzko txapelketa jokatzen hasiko direnak (Aritz, Eki, Josu eta Oinatz). Larunbat honetan (maiatzak 11) 16:00etatik aurrera Ordiziako Beti Alai pilotalekuan izango dira azken hauen partidak.
Ordiziako jaietako txapelketak
Ordiziako festak ere gainean dira, eta urtero bezala martxan da Ordizia Hiria paleta larruz eta pala motzeko txapelketa. Eta nola ez gomazko txapelketa, “aurten ere mailako txukuneko pilotariak gerturatu dira eta hamasei bikotez osatuko da XX.en edizioa”. Maiatzaren 13tik aurrerako arratsalde-iluntze ia guztietan partidak izatea aurreikusten da.
