Aftersun jaia, irailaren 14an Oiangu parkean
Sara Zozaya, Ghau, Yaima Orozco, Ixabe eta Necora disko jartzailearen musikaz gozatzeko aukera izango da Ordiziako Oiangu parkean.
![](https://goierri.hitza.eus/site/files/2022/09/aftersun_musika_jaialdia_o5-1200x801.jpg)
Ordiziarockek irailaren 14an egingo du Aftersun jaia, Oiangu parkean, 12:30ean hasita.
Sara Zozaya, Ghau, Yaima Orozco, Ixabe eta Necora disko jartzailearen musikaz gozatzeko aukera izateaz gain, ekintza gehiago ere prestatu dituzte: eguzki sukaldeak, narrasti eta anfibioei buruzko hitzaldia gaztetxoentzat, eta sistema fotoboltaikoen erakusketa. Jan-edana ere egongo da.
Kontzertuetan erabiliko duten argindar guztia energia fotoboltaiko bidez sortua izango da, Ekirock gailua erabilita.