Bihar Igartzan, Beasaingo industriaren hastapenak ezagutzeko bisita gidatua
Bisita 18:00etan izango da, eta aldez aurretik erreserba egin behar da.
Igartza Monumentu Multzoak Beasaingo industriaren hastapenak ezagutzera emateko bisita gidatua eskainiko du bihar ostirala, abuztuak 23, 18:00etan.
Bisita gidatu honetan Igartzako Monumentu Multzoa osatzen duten eraikinak bisitatzeaz gain, eraikina eta bertan garai batean gauzatutako jarduerak azalduko dira. Multzoak ondare gisa duten balioa azpimarratu, eraikinen arteko loturak erakutsi, eta zein pertsonaia historiko duen atzean azalduko da. Bisitariak Erdi Arotik gaur egunerainoko bidaia egin dezake horrela, eta monumentuen balio historikoaz ohartaraziko da.
Bisita gidatu hau egiteko aurrez erreserba egin behar da 943 08 77 98 telefono zenbakian, edo igartza@beasain.eus helbidera idatzita.
