San Bartolome ospatuko dute izen bereko elizan Ordizian
Meza eliza kanpoaldean egingo dute, barruan zorua altxatuta dagoelako indusketak egiteko. Osbel elkarteak egiten ari diren lanen berri emango du eskuorri batekin.
Urtero bezala, Ordizian ere ospatuko dute San Bartolome larunbatean, abuztuak 24, eta izen bereko eliza inguruan meza egingo dute 09:00etan.
Aurten ez dute meza ermita barruan emango, zorua altxatuta dagoelako bertan egiten ari diren indusketa lanengatik. Meza kanpoaldean izango da.
Meza aurretik, San Bartolome baselizaren inguruko ikerketa lanak egiten ari den Osbel elkarteak eskuorriak banatuko ditu, lan horien berri emateko. Diru bilketa kanpainak emandakoa eta horrek egin duen bidea, baimen administratiboak eta gaurko egoera zein den ere azalduko dute elkarteko kideek.
