Gaspar Goikoetxea eta Lurdes Urdangarin omenduko dituzte Beasainmendiko jaietan
Beasaingo auzoko jaiak abuztuaren 31n eta irailaren 1ean jokatuko dira. Mendi lasterketa ere egingo da aurten.
Beasainmendiko jai batzordeak erabakita du nortzuk omenduko dituzten aurtengo auzoko festatan. Usurbe baserriko Gaspar Goikoetxea Toledo eta Lurdes Urdangarin Imaz izango dira omenduak. Festak abuztuaren 31n eta irailaren 1ean ospatuko dira, eta omenaldia igande eguerdian jasoko du bikoteak.
Festak larunabtean, hilak 31, hasiko dira, auzo afariarekin, baina igandea izango da egun nagusia, hainbat ekitaldirekin. Omenaldiaz gain, Agorta igoera, trikitilariak, herri kirolak eta auzo bazkaria ere izango dira, baita haurrentzako jolasak ere.
Omenduak
Gaspar Goikoetxea 1954ko otsailaren 12an jaio zen Abaltzisketan jaio zen, beraz, aurten 70 urte bete ditu. Bere emazte Lurdes Urdangarinek, berriz, aurten Beasainmendin 1961eko urtarrilaren 8an jaio baitzen. Gaspar, jubilatu arte igeltsero lanetan aritu da enpresa ezberdinetan, eta Lurdes zerbitzari ibilia da Beasainen, Andoainen eta urteetan, Zaldibiako Illati tabernan.
Lurdesen lanari esker ezagutu zuten elkar. Beasaingo Bodegon Goierrira joaten zen bazkaltzera Gaspar, eta bertan ari zen lanean Lurdes. 1987ko irailaren 26ean ezkondu ziren Larraitzen, eta bi seme-alaba eta hiru bibiloba dituzte.
Garparren afizio nabarmenenak ehiza eta musa dira. Lurdesi, berriz, loreak zaintzea eta baratzean aritzea gustatzen zaio. Astebukaeretan etorriko zain izaten dira Usurbeko txokoan.
Elkarrekin makina bat bidaia ere egin dituzte. Gaztetan Mallorcara, ondoren Italiara, Kantabriara,… Egunpasa joatea eta etxetik kanpo bazkaltzea ere oso gustuko dute; Getarian, Orion, sagardotegi Zorionak eta eskerrik asko Gaspar eta Lurdes eta disfrutatu orain arte bezala familiakoekin eta ingurukoekin urte askotan.
Egitaraua
Abuztuak 31, larunbata
21:00 Herri afaria
Ondoren, auzoko mus txapelketa
Irailak 1, igandea
08:00 Suziriak
10:45 Herri meza, trikitilari eta bertsolariekin
11:30 Kros herrikoia
11:45 Aizkorri mendizale elkartekoei ongi etorria
12:00 Laja eta Narbaiza trikitilariak
Ondoren bertsolariak: Iker Zubeldia eta Maddi Aiestaran
13:00 Omenaldiak
Ondoren Jokinen orimenean aurreskua eta lore eskaintza
13:30 Herri kirolak.
Aizkolariak: Arkaitz Jauregi eta Julen Kañamares
Harri jasotzaileak: Xiker Larrea eta Gari Garmendia
14:30 Bazkari herrikoia
17:00 Haur jolasak
18:30 Erromeria Laja eta Narbaizarekin
