Sortzaileen plaza
Sortzaileei ikusgarritasuna emateko ekimena martxan jartzeko deia
Ekimenaren berri emateko eta ideiak biltzeko bilera irekia egingo dute urriaren 16an.
Beasaingo Arrano Kulturak Sortzaileen Plaza izeneko ekimena jarri nahi du martxan. Herrian dauden sortzaileei (musikari, margolari, bitxigile, ikerlari, idazle, …) ikusgarritasuna ematea da helburua, eurek egiten dutena erakutsi eta azaldu ahal izateko plaza bat eskaintzea.
Ekimenaren berri emateko eta ideiak biltzeko, bilera irekia egingo dute, urriaren 16an, asteazkena, 18:30etik 20:00etara, Arrano Elkartean. Sortzaile izan eta parte hartu nahi duen edo ekimenari forma ematen lagundu nahi duen oro ongi etorria izango da.
