Stop Etxagabetzeak elkarretaratzea egin du Ordizian, BBVAren aurrean
Goierrin bizi den Youssef eta bere familiari bakarrik ez daudela adierazteko elkartu dira. BBVAri "egoera honi amaiera emateko eta familiak Goierrin bizitzen" jarraitu ahal izateko eskatu diote. Asteartean Beasainen egingo dute beste elkarretaratze bat.
Ordizian egin dute elkarretaratzea, 'Ez zaude bakarrik' lelopean.Stop Desahucios. Goierriko Stop Etxegabetzeak elkarretaratzea egin du gaur goizean Ordizian, BBVA banketxearen atarian, Ez zaude bakarrik pankartarekin. Goierrin bizi den Youssef marokoarrari eta bere familiari elkartasuna adierazi diote.
Stop Etxegabetzearen esanetan, “Youssef Marokotik iritsi zen Kataluniara, 2004an. Besteak baino “errazagoa” izan zuen. Senideren batek bidea erraztu zion. Ordurako finkatuta zegoen, eta diru asko ordaindu behar izan zion. Hemen zegoenez, senide horrek hipoteka eman ziezaioten erabili zuen. Abal-emaile gisa esan zion, baina bankuak titular gisa jarri zuen, beste pertsonaren adina handi samarra baitzen”.
Hala ere, “Youssefek ez zuen ulertzen zer sinatzen ari zen, eta are gutxiago irakurtzen zuen hizkuntza jakin gabe. Baina banketxeak (BBVA) bai, eta notarioak ere bai”. Krisia etorri zen eta “mailegua ez zen ordaindu. Youssef non bizi bilatzen ari zen. Goierrin ikasi zuen eta bertan bizi da bere familiarekin, adin txikiko haur batekin. Zoriontsuak izan zitezkeen”.
Bankua (BBVA) etxearekin geratu zela dio Stop Etxegabetzeak, “baina funts putre batera pasatu zen zor garrantzitsu bat geratu zen, eta denbora behar izan bazuten ere, Youssef aurkitu dute, eta urteak daramatza PFEZaren nomina eta itzulketak bahitzen”.
Funtsarekin hitz egin dutela diote, “eta kopurua zertxobait jaitsi dute, baina familia honentzat ordainezina izaten jarraitzen du. Horregatik, BBVAri, istorio honetako aktore nagusi gisari, egoera honi amaiera emateko eta familiak Goierrin bizitzen jarraitu ahal izateko eskatu dio”.
Hurrengo elkarretaratzea, asteartean, 11:00etan egingo dute Beasaingo BBVAren aurrean, eta ostegunetan, 11:00etan, Tolosako BBVAren aurrean.
