Eguberriak
Haurrentzako jolas parke bereziak
Ordizian, Urretxun eta Zumarragan, Idiazabalen, Ataunen eta Legazpin badago non aukeratua.
Ordiziako haur parkea.Loinaz Agirre. Eguberrietako opor egun hauetan egokitutako haur parkeak haurren gozamenerako gune bihurtu dira, kanpoko hotzetik babesteko aproposak. Ordizian, Urretxun eta Zumarragan, Idiazabalen, Ataunen eta Legazpin badago non aukeratua.
- Ordizian larunbatera arte egongo da zabalik Beti Alaiko haur parke berezia, 11:30etik 13:30era eta 16:30etik 19:30era.
- Urretxuko eta Zumarragako udalek Ederrena pilotalekuan elkarlanean antolatutakoa ere larunbatera arte izango da irekita. Ordutegia ondorengoa da: gaur eta bihar, 10:30etik 13:30era eta 16:30etik 19:30era, eta etzi 10:30etik 13:30era.
- Legazpin Urbeltz pilotalekuko eta Azokako haur parkeko jolasetan aritzeko aukera izango da bihar arte, 10:30etik 19:30era. Saio bakoitzeko 2,50 euro da.
- Idiazabalen Igarondo pilotalekuan gaur eta bihar izango da haur parkeaz gozatzeko aukera. 11:00etatik 13:00etara eta 16:00etatik 19:00etara egongo da irekita.
- Ataunen, berriz, larunbatean puzgarriak jarriko dituzte 10:00etatik 13:00etara, San Gregorioko Zelai pilotalekuan.
