Heriotzaren pedagogiaz, Patxi Izagirreren eskutik

Heriotzari buruz hausnartzeko Heriotzaren pedagogia izeneko solasaldia eskainiko du Patxi Izagirre psikologoak (Zumarraga, 1970), bihar, Ormaiztegiko Gizarte Etxean, 16:30ean. Izagirrek urteak daramatza heriotzaren ondorengo doluan terapia espezializatua eskaintzen. Dioenez, beharrezkoa da doluaren pedagogia bat sortzea bizitzako galerei aurre egin ahal izateko bitartekoak ahalbidetzeko.