Maiatzaren 31n izango da aurten Xabier Ortiz de Luzuriaga bizikleta ibilaldia
Izena eman daiteke dagoeneko, internetez.
Maiatzaren 31 larunbata da aurten Xabier Ortiz de Luzuriagaren omenezko mendi bizikleta ibilaldia egiteko aukeratu duten data. Ohi bezala, Hegialdeko jaien atarikoa izango da topaketa, eta dagoeneko izena emateko aukera dago www.xabierortizbtt.eus webgunean. Aurrez izena ematea 12 euro da, eta egunean bertan, 15 euro.
Aurtengoa 20. edizioa izango da, eta Legazpiko mendietan zehar izango du ibilbidea. Irteera, ohi bezala, Laubideko kale nagusitik egingo dute, 09:00etan, festa giroan. Helmuga ere bertan izango da. Parte hartzaile guztientzat kamiseta izango da, eta hainbat opari zozkatuko dira.
