Nagusilan oso pozik, Zilarrezko Haria sprintarekin
Legazpiko elkarteak eskerrak eman nahi dizkie ostiraleko jardunaldian parte hartu zuten boluntario guztiei.
Boluntarioetako bat telefonoz hitz egiten, herriko hainbat ikasleren aurrean.Gorka Gomez Zilarrezko Haria dei solidarioen esprinta egin zuten ostiralean Legazpin, herriko Nagusilan elkartearen 25. urteurrena ospatzeko ekitaldiei hasiera emanez. Gizarte Zentroa ‘call centre’ bat bihurtuta, bakarrik dauden pertsonei telefonoz deitzen jardun zuten hainbat boluntariok, sei orduko iraupena izan zuen jardunean.
Deiak egiten jardun zuen boluntarioen kopurua 60koa izan zen, eta guztien artean 200-bat pertsonengana iritsi ziren.
Legazpiko Nagusilan oso pozik dago esprintak izan zuen erantzunarekin, eta eskerrak luzatu nahi dizkie boluntario guztiei, eta jarduera gauzatzea posible egin zuten guztiei, baita herriko eskoletatik joan ziren bisitari gaztetxoei ere.
