Ordiziako Aire Libreko pintura lehen lehiaketa egingo dute apirilaren 12an
Plaza izango da margo lehiaketaren gaia. Edonork parte har dezake; gazteen eta helduen mailak daude.
Javi Soto, Rakel Jimenez, Patxi Morales, Izaro Intsausti eta Jokin Telleria.Ordiziako Udala. Apirilaren 12an, lehenengo Aire Libreko Margolan Lehiaketa egingo da Ordizian, plaza nagusiko estalpearen 100. urteurrenaren ospakizunen harira. Margolanak egiteko gaia ere horixe izango da: Plaza. Oinarrien arabera, plazan bertan margotu beharko da eta lanean Plazako zati bat agertu beharko da.
Edonork parte har dezake; haurren, gazteen eta helduen mailak daude. Egunean bertan, lehiakideek Barrena jauregian aurkeztu eta zigilatu beharko dituzte euskarriak, 09:30etik 10:30era bitartean, eta goiz osoa izango dute margolana egiteko. Lanak bukatuta eta sinatuta aurkeztu beharko dituzte Barrenako erakusketa aretoan, 13:30etik 14:30era bitartean.
Lehiaketako epaile lanetan, hainbat margolari ordiziar ariko dira: Javier Soto, Rakel Jimenez, Patxi Morales eta Maider Agirre; hauekin batera, Jokin Telleria beasaindarrak osatuko du epaimahaia. Sari banaketa, egun berean, 18:00etan izango da, Barrenako erakusketa aretoan. Aurkeztutako lanekin, erakusketa zabalduko da, apirilaren 12tik maiatzaren 6ra arte.
Haur eta helduen atalak izango dira, eta hauentzako sariez gain, herriko margolari onena ere sarituko dute. Lehiaketa irekia da eta edonork parte har dezake, baina deialdi berezia egin diete Ordiziako eta Goierriko margolariei.
Sariak
Helduak:
1. Saria: 900€ eta diploma.
3 sari 300€.
Herrikoak
1. Saria 600€ eta diploma.
+ 1 sari 300€
Gazteak (13-17 urte)
100 € eta diploma
Herriko gazteak (0-17 urte): 80€ eta diploma
Haurrak (0-12 urte): 50€tan baloratutako saria eta diploma
Accesita: 150€
Lehiaketako oinarriak, ordizia.eus webgunean daude ikusgai.
