Errugbia
Xabi Martin etxera itzuliko da
Ampo Ordizian jokatuko du Xabi Martin beasaindarrak datorren denboraldiko lehen zatia.
Xabi Martin Alcobendasen aritu da azken urteetan. Ordizia Errugbi Elkarteak iragarri duenez, Xabi Martin Mujika beasaindar errugbilaria Ampo Ordiziarekin ariko da datorren denboraldiaren lehen zatian. Ordiziako harrobiko jokalaria da Martin. OREren oharrak dioenez, “Ingalaterran eta Alcobendasen (Madril) ibili ostean, eta ikasketak amaitu ondoren, Xabi etxera dator, esperientzia gehiagorekin eta gogotsu”.
Dena den, denboraldiko lehen zatia jokatuko du Ampo Ordiziarekin, “ondoren Zeelanda Berrira abiatuko da, errugbian hazten jarraitzeko eta bizipen paregabea izateko asmoz”.
