Helduen egoitzetako "hitzarmenaren blokeoa" salatu du LABek
Ordiziako udaletxearen aurrean elkarretaratzea egin dute gaur goizean.
LAB sindikatuak elkarretaratzea egin du gaur goizean Ordiziako plazan.Loinaz Agirre. Gipuzkoako helduen egoitzetan lanuzteak egiten ari dira gaurtik ostiralera bitartean, eta LAB sindikatuak Ordiziako plazara eraman ditu aldarrikapenak, “Herrialdeko Hitzarmena negoziatzeko mahaia blokeatuta” dagoelako eta ez dutelako “hurrengo bilera baterako datarik ere.
Izan ere, LAB sindikatuak “argi dauka zaintza publikoa eraikitzerako bidean, zaintza zerbitzuak zerbitzu publiko bat direla”. Horregatik, “LABentzat pribatizatutako zaintza zerbitzuetako langileak, langile publikoak dira, administrazio publikoko zuzeneko langileak, non pribatizazioa errotik ezabatu behar den”.
LABen esanetan, “egoera irauli bitartean, LABetik administrazio publikoko langileekin lan baldintzak parekatzea borrokatzen dugu eta borrokatuko dugu, lan berdinagatik lan baldintza berdinak izan behar ditugulako”. Horregatik guztiagatik, LABen ustetan “bada una gure orain arteko mobilizazio dinamikan pauso bat emateko”.
Sindikatu abertzaleak zehaztu duenez, “langileen arteko konfluentzia eta bateratasuna bilatzen duen mobilizazio proposamena” egin dute. LABen aldarrikapen nagusiak ondorengoak dira:
- Langile publikoekin soldata ekiparazioa.
- Ratioak jaistea.
- Lanaldien partzialtasunarekin amaitzeko neurriak.
- Adineko langileentzat lan baldintzak hobetzea.
Azkenik, “egoera honen arduradunak eta aldarrikapen hartzaileak patronalak eta Gipuzkoako Aldundia direla nabarmendu du. Ostiralean, Donostian egingo dute mobilizazioa.
