Euskararen Eguna
Euskararen Eguneko ekitaldiak herriz herri
Euskararen Nazioarteko Egunaren harira ekitaldi ugari antolatu dituzte datozen egunetan Goierrin.
Beasainen Garxi Euskararen suzainaren etorrera izango da bihar, 11:00etan.Ariane Vierbücher. Ataun
- Bihar: Ama, begira zazu… antzezlana egingo du Xirikara antzerki taldeak. Kontxu Odriozolak, Elena Iruretak, Jose Ramon Soroizek eta Mikel Garmendiak egindako antzezlanaren oroimenez, 19:00etan Ataungo Herri Antzokian.
- Ostiralean: Sorgin barregarriak ipuin kontaketa Ana Apikarekin, 17:00etan udaletxean. 5 urtetik gorako haurrentzako emanaldia da.
Beasain
- Gaur: Beasaingo Lehenengo Koaderno Demolinguistikoa aurkeztuko du Aittu! Euskara Elkarteak, 18:00etan, Udaletxeko Batzar Aretoan.
- Bihar: Gartxi Euskararen suzainaren etorrera, Zubimuzu plazan, 11:00etan hasita. 18:30ean, Ixabel Olano Segurolari omenaldia, Ixabel Olano Segurola plazan, Aittuk, Beasainpediak eta udalak antolatuta. 19:00etan, berriz, euskararen kalejira herrian zehar, txistularien, Loinatz musika eskolaren, Ostadar dantza taldearen, Loinatz abesbatzaren, Aurtzaka dantza taldearen eta Ekaitz erraldoi eta buruhandien konpartsaren parte hartzearekin.
Ezkio
- Bihar: Intujai taldearen Kamishi-jai ikuskizuna, May Gorostiaga eta Iñaki Carreterorekin, 10:30etik 12:30era Etxeberrialde auzoan, Ezkio-Itsaso herri eskolak eta udalak antolatuta. 16:45etik 19:00etara margolanak gaztelekuan, eta 17:00etatik 18:30era kafe tertulia hitanoz Anduaga elkartean.
Idiazabal
- Bihar: 11:00etan eskolatik abiatuta, kalejira. 18:30ean, Mintzalaguna egitasmoaren aurkezpena Udaletxeko Areto Nagusian.
- Etzi: Aldaize aldizkariaren web berriaren aurkezpena Udaletxeko Areto Nagusian, 18:30ean.
- Ostiralean: Lurdes Iriondo, ez gera alferrik pasako dokumentalaren emanaldia, Guraso Elkartea aretoan, 19:30ean.
Lazkao
- Gaur: Umore bakarrizketa Ander Malbadi, Esti Curiel, Asier Galarza, Maria Blanco eta Manex Astigarragarekin, Arerian, 19:30ean.
- Bihar: Ikastolak antolatuta, 10:00etan kalejira, eta ondoren, ekitaldia plazan. LTME trikitilariak eta Oin Arin Dantza Taldearen parte hartzearekin. 17:00etan, berriz, Euskal Kantaldia eta erromeria, Lazkao Txiki Musika Eskolak antolatuta, Oin Arin Dantza Taldearen eta Maizpideren parte hartzearekin.
Legazpi
- Bihar: Haztegi ikastolako ikasleentzat, kanpo jolasak goizean (Batxi 1 eta 2), txorizo egosi hamaiketakoa eta euskal dantzak jolasorduan, EITB Maratoiaren kanpainan parte hartzeko bideoaren grabaketa patioan, bingo musikatua, esku pilota txapelketa, lehiaketak… Olamendi eskola publikoko ikasleentzat, 14:45ean eskolako patioan kantu merienda euskal kantekin, eta ondoren, askari goxo bat.
Legorreta
- Bihar: Ume jolasak frontoian, 16:30ean, eta ondoren, euskal abestien kantaldia plazan. Oskorriren Euskal Herrian Euskaraz eta Urkoren Guk euskaraz, zuk zergatik ez.
- Ostiralean: Esnatu ala hil. Euskararen oraina eta geroa, diagnostiko baten argitan liburuaren aurkezpena eta solasaldia Garikoitz Goikoetxearekin, 18:00etan Udaletxeko Areto Nagusian.
Mutiloa
- Bihar: Gaztaina jana, 18:30etik aurrera.
Olaberria
- Ostiralean: Xalbadorrenetik bertsogintza afaria eta kantaldia, 20:00etan Areto Berrian.
Ordizia
- Gaur: Jolas Molaz euskarazko mahai jolasak ezagutu eta probatzeko saioa, Udaletxeko Areto Nagusian, 17:00etatik 19:00etara. 6 eta 8 urte arteko haurrentzat.
- Bihar: HHko haurrentzat, Miru, ipuinekin dantzan ipuin musikatua, goizean, Herri Antzokian. 11:00etan, LHko ikasleentzat Kantujira, Barandiaran plazatik hasita. DBHkoentzat, Mintzodromoa Majori kiroldegian eta Euskaldunga bakarrizketa Herri Antzokian. Arratsaldez, Urdaneta ikastetxeko HHkoentzat herri kirolak eta Lhkoentzat gaztaina jana; eta Jakintza Ikastolako HHkoentzat Argitxori ongietorria, merienda, photocall-a eta dantzaldia, eta LHkoentzat dantza emanaldia Majori kiroldegian. Zuhaiztin, bingoa euskaraz 17:00etan. Eguna amaitzeko, Kantazak 19:00etan.
- Etzi: Garikoitz Goikoetxearekin Esnatu ala hil liburuaren aurkezpena, 18:00etan Barrenan, Hitzaro Euskara Elkarteak antolatuta.
Ormaiztegi
- Bihartik abenduaren 9ra: Jaietan jarritako photocall-ean ateratako argazkien erakusketa, udaletxe azpiko portikoetan.
Segura
- Bihar: Kantujira. 09:55ean eskola atarian elkartu, 10:00etan abiatu eta hiru bat geldialdi egingo dituzte. Lepoan baserritar zapia janzteko deia egin dute. Laiotz herri eskolak, Atseden elkarteak, egoitzako lagunek eta udalak antolatuta. 18:30ean, Euskararen egoera ulertzeko gakoak hitzaldia egingo du Iñaki Iurrebaso soziolinguistak, Danon Gelan.
Zaldibia
- Gaur: Ameli ipuin kontalariak hainbat saio eskainiko ditu Lardizabal eskolako ikasleentzat, Karreane Kultur Etxeko Haurren Liburu Txokoan.
- Bihar: 12:00etan, Kantujira plazan, Lardizabal eskolak antolatuta. 18:00etan, Mintzodromoa Herri Aretoan, Etxekonekok elkarteak antolatuta.
- Ostiralean: Mihiluze herrikoia, 18:00etan Herri Antzokian, Gazte Asanbadak antolatuta.
- Abenduak 14: 18:00etan, Maspalomas filma.
Zegama
- Bihar: 18:00etatik aurrera Euskararen aldeko txokolatada plazan. Txapak egin, mezuak idatzi eta argazkiak ateratzeko aukera izango da.
Zerain
- Bihar: Bingo saioa adin guztietarako, 18:30ean Kultur Etxean.
Urretxu-Zumarraga
- Bihar: 17:00etatik 18:00etara, Street Scape ginkana herriko establezimenduetan. 18:00etatik 20:00etara, Euskararen Kriseilua LH1eko ikasle eta gurasoentzat, Labeaga aretoan. 18:00etan, bukatzeko, Zintzo-Mintzoren Hitzen Katearen amaiera ekitaldia, Euskadi plazan.
