Hasi da Gazte Astea, hamabosgarren urtez
Urretxuko eta Zumarragako udalek antolatuta, XV. Gazte Asteari hasiera eman diote gaur. Gazte Astearen egitaraua bitan banatzen da, haurrei zuzendutakoa eta gaztetxoentzako ekintzak. Gaur ireki dute, Bi-tartean merkatari elkartearen eskutik, haur parkea Zumarragako Euskadi plazan eta ostegunera arte zabalik egongo da goizez eta arratsaldez. Gaztetxoek kirol ekintzei ekin diete goizean, Aldiri kiroldegian eta Ederrenan jokatzen ari dituzten areto futbol, eskubaloi, saskibaloi eta frontenis txapelketekin.
Iaz 250 gaztetxok parte hartu zuten Gazte Astearen barruko ekintzetan. Aurten, etzi inauguratuko duten Gazte Bidean gazte txoko berriaren hezitzaileek ere parte hartuko dute bertan egingo dituzten tailerrekin. Gazte Astea gaur hasi eta urtarrilak 5era arte iraungo du.
Egitaraua:
Haurrak
Gaztetxoak Aldiri kiroldegian areto futbol partidak ikusten
- Gaur, bihar, etzi eta ostegunean. Jolas parkea Zumarragako Euskadi plazan (puzgarriak, kart pista eta jolas-guneak). Goizez: 11:00-13:30 eta arratsaldez 16:00-18:30.
- Ostegunean, hilak 30. Xurdinen kontzertua. Urretxuko Labeaga aretoan, 17:00.
- Urtarrilak 3 eta 4. Patinaje zirkuitoa Zumarragako Euskadi plazan. Goizez: 11:00-13:30 eta arratsaldez 16:00-18:30
- Gaur, bihar, etzi eta ostegunean. Txikirol txapelketa: eskubaloia, areto futbola eta saskibaloia. Urretxuko Aldiri kiroldegian, goizez.
- Gaur, bihar, etzi eta ostegunean. Frontenis txapelketa Urretxuko Ederrena pilotalekuan, goizez.
- Bihar. Graffiti tailerra eta hip hop kontzertua. Urretxuko Lizeoan, 17:00etan.
- Etzi. Minimoto erakustaldia. La Salle-Legazpi ikastetxean, 17:00etan.
- Urtarrilak 4, asteartea. Gabonetako goxogintza, 17:00-19:00 (15-17 urte). Opari tailerra, 17:00-19:00 (12-15 urte). Egindako goxoen dastaketa eta sari banaketa, 19:00-20:00. Guztia Gazte Bidean lokalean, Urretxun bihar irekiko duten Gazte txoko berrian.
- Urtarrilak 5, asteazkena. Play station txapelketa, 17:00-19:00. Opari tailerra, 17:00-19:00 (15-17 urte). Gabon digitalak, 17:30-20:00. Gazte Bidean lokalean.
