Alkoholemia tasa lau aldiz biderkatzen zuen pertsona bat atxilotu dute Urretxun
Bart gauean baimendutako alkoholemia tasa lau aldiz biderkatzen zuen 31 urteko gazte bat atxilotu dute ertzainek Urretxun. Poliziek jakinarazi dutenaren arabera, gazteak gidabaimen faltsua zeraman gainera. Herrizaingo Sailetik jakinarazi dutenez, 12:30ak aldera atxilotu dute gaztea, GI-3771 errepidean alkoholemia kontrol bat egiten ari zirela. Nissan Vanete bat gidatzen zihoan atxilotua eta egin zizkioten bi alkohol frogetan aire litroko 1,12 eta 1,14 miligramo eman zituen. Baimendutako tasa litroko 0,25 miligramotan dago. Aldi berean, beti ere Herrizaingo Sailaren arabera, gazteak ez zuen gidatzeko baimenik eta zeraman karneta faltsua zen.
