Denetariko musikaz gozatzeko aukera Urretxuko festetan
Gaur hasiko dituzte Urretxuko Santa Anastasia festak. Hasiera ofiziala bihar bada ere, musika eta giroa gaurdanik sumatuko da kaleetan. festetan denetariko musikaz gozatzeko aukera izango da OSTEGUNA Gaur, I. Ansioso Egunaren barruan, DJ festa egingo d...
Gaur hasiko dituzte Urretxuko Santa Anastasia festak. Hasiera ofiziala bihar bada ere, musika eta giroa gaurdanik sumatuko da kaleetan. festetan denetariko musikaz gozatzeko aukera izango da
OSTEGUNA
Gaur, I. Ansioso Egunaren barruan, DJ festa egingo dute txosnetan. DJ Stepy, DJ Little Pepe,SRK No Crew eta DJ Beniz igoko dira oholtzara.
Muturbeltz taldea (euren webguneko argazkia)
OSTIRALA
Ostiralean, festen hasierarekin batera, bi gunetara zabalduko dira kontzertuak. Gernikako Arbola plazan Akerbeltz taldearen emanaldia izango da. Jaietako programan aurkeztu dutenez, “talde gaztea eta dinamikoa da, zuzeneko emanaldietan handitu egiten dena, erabateko soinu estiloaz. Estilo desberdinak lantzen dituzte: ska, punka, rocka, euskal folklorea eta baita dantzatzekoa den betiko musika. abeslar zoragarriez gain, ikuskizun paregabea eskaintzen dute”.
Txosnetan berriz, Urretxuko eta Zumarragako musika taldeak igoko dira oholtzara: Muturbeltz, Serie B, Kartal eta Kortozirkuito.
LARUNBATA
Larunbatean, Gernikako Arbola plazan Trakets taldeak eskainiko du emanaldia.
Txosnetan, berriz, Bizardunak, Afu eta Skakeitan taldeak ikusteko eta entzuteko aukera egongo da.
IGANDEA
Igandean, eguerdian hasiko dira emanaldiak, Benta Zaharreko Mutiko Alaiak kantu taldearekin. 13:00etan hasiko dute huek emanaldia, Urretxuko Iparragirre kalean.
Gauean, Gernikako Arbola plazan Egan taldearekin dantza egiteko aukera egongo da, eta txosnetan, berriz, erromeria egingo dute, Gabezi taldearekin.
