Araman kultur astea gaur hasiko da
Aramako Kultura Batzordeak gaurtik igandera ekitaldi sorta bat antolatu du, kultur astearen barruan. Egunero izango da saioren bat. Egitaraua: Asteartea, irailak 18 Etiopia Utopia Fundazioaren hitzaldia. 19:00etan, kultur etxean. Asteazkena, irailak 19...
Aramako Kultura Batzordeak gaurtik igandera ekitaldi sorta bat antolatu du, kultur astearen barruan. Egunero izango da saioren bat.
Egitaraua:
Asteartea, irailak 18
Etiopia Utopia Fundazioaren hitzaldia. 19:00etan, kultur etxean.
Asteazkena, irailak 19
Haurrentzat jolasak eta askaria. 17:30ean, kultur etxean.
Osteguna, irailak 20
Pintxo lehiaketa. 18:30ean, Arrikutz elkartean.
Ostirala, irailak 21
Maite Arrese ipuin kontalaria. 18:00etan, kultur etxean.
Larunbata, irailak 22
Aramako 2. Sagardo Txapelketa. 20:30ean, Arrikutz elkartean.
Igandea, irailak 23
Intxorta mendira (Elgeta, Gipuzkoa) bisita gidatua. Irteera: udaletxearen aurretik, 09:00etan. 1936ko gerrako borroken azalpen historikoak eta aztarnak ikusiko dituzte, 4,5 kilometroko ibilaldi lauan. Joan nahi duenak izena aurrez eman behar du, Aramako Tabernan, asteazkena (irailak 19) baino lehen. Hamaiketakoa bakoitzak berea eraman behar du, eta udalak jarriko du edaria. Sarrerak ere udalak ordainduko ditu.
