Mantenuan, muntaian eta automatismoan trebatzeko ziklo berria eskainiko dute Goierri Eskolan
Urritik aurrera Lanbide Heziketako mantenu elektromekanikoko erdi-mailako gradua eskainiko du Goierri Eskolak. Gaueko ordutegian egingo dute, lanean daudenek ere joateko aukera izan dezaten. DBH gaindituta duten, eta aktiboan edo langabezian dauden 18 ...
Urritik aurrera Lanbide Heziketako mantenu elektromekanikoko erdi-mailako gradua eskainiko du Goierri Eskolak. Gaueko ordutegian egingo dute, lanean daudenek ere joateko aukera izan dezaten. DBH gaindituta duten, eta aktiboan edo langabezian dauden 18 urtetik gorako pertsonek eman dezakete izena.
Makineria, industria-ekipamendua eta ekoizpenerako linea automatizatuen muntaketan eta mantenuan lan egiten irakatsiko dute hiru ikasturteko zikloan, kalitate, segurtasun ta laneko arriskuen prebentzioko protokoloak jarraituz. Urrian hasiko da eta astelehenetik ostiralera 18:00etatik 21:00etara egingo dituzte eskolak. 2.000 orduko zikloa da. Izena eman nahi dutenek Goierri Berrikuntza Guneko bulegora edota goierrikoeskola.org webgunera jo beharko dute.
