Gizonezko bat atxilotu dute Beasainen, drogarekin trafikatzea leporatuta
Ertzaintzak gizonezko bat atxilotu zuen atzo Beasainen, drogra trafikoan aritzea leporatuta. Gizonezkoak 42 urte ditu, eta atxilotu zuten unean, kokainadun “papelinak” eta 950 euro zeramatzan soinean. Bere etxebizitza miatu ondoren, beste h...
Ertzaintzak gizonezko bat atxilotu zuen atzo Beasainen, drogra trafikoan aritzea leporatuta. Gizonezkoak 42 urte ditu, eta atxilotu zuten unean, kokainadun “papelinak” eta 950 euro zeramatzan soinean. Bere etxebizitza miatu ondoren, beste hainbat poltsa eta 1.400 euro atzeman zizkioten.
Kalean patruilatzen ari ziren ertzainek, autoarekin “mugimendu susmagarriak” egiten ari ziren gizonezko bat ikusi zuten. Autoa geldiarazi eta miatu ondoren atzeman zizkioten soinean zeraman kokaina eta dirua. Herrizaingo sailetik azaldu dutenez, gizonezko honek Bartzelonatik ekartzen zuen kokaina, gero Beasainen eta inguruetan saltzeko.
Droga trafikoarekin lotutako delitu bat egotzita atxilotu zuten gizonezkoa, eta gaua komisaldegian igaro ondoren, Tolosako epaitegiaren esku utzi dute gaur goizean.
