DYAk ate irekien jardunaldia egingo du igandean
Hauteskundeekin batera, igandeak DYAko Ordiziako delegaritzaren ate irekien jardunaldia jasoko du. 11:00etatik 18:00etara Plaza Nagusian egongo dira eta denetariko ekintzak egingo dituzte.Erakundearen lan ildoak gizarteratzeko erabiliko du hitzordua. ...
Hauteskundeekin batera, igandeak DYAko Ordiziako delegaritzaren ate irekien jardunaldia jasoko du. 11:00etatik 18:00etara Plaza Nagusian egongo dira eta denetariko ekintzak egingo dituzte.Erakundearen lan ildoak gizarteratzeko erabiliko du hitzordua.
Erakusketa bat jarriko dute DYAk sorospen lanetarako erabiltzen dituen ibilgailuekin eta baliabideekin eta elkarteko teknikariek azalpenak eskainiko dituzte. Rokodromo txiki bat ere jarriko dute, mendiko erreskatean erabiltzen diren teknika batzuk erakusteko. Elkarteko adituek azalpenak eskainiko dituzte hemen ere. Tirolina batek osatuko du ekintza hau. Gazteenentzako segurtasuneko zirkuitu bat, eskulanen tailer bat eta kale animazio bat ere egingo dituzte txikienentzako.
Doako arterien tentsio hartzea ere egingo dute postu batean eta denda ere jarriko dute kamisetak eta segurtasun artikuluak saltzeko. 13:30tan erreskate simulakro bat egingo dute, ibilgailuan harrapatuta dagoen pertsona bat askatzeko erabiltzen diren teknikak erakutsiz.
