Biok Zerbitzuakek galdu egin du Gasteizen
Biok Zerbitzuak Ordiziako saskibaloi talde nagusiak 62-52 galdu du asteburuan Gasteizen Seky.es taldearen aurka. Lehen bi laurdenetan oso parekatua izan zen partida (32-28), baina hirugarren laurdeneko bigarren zatian ez ziren ondo aritu ordiziarrak, e...
Biok Zerbitzuak Ordiziako saskibaloi talde nagusiak 62-52 galdu du asteburuan Gasteizen Seky.es taldearen aurka. Lehen bi laurdenetan oso parekatua izan zen partida (32-28), baina hirugarren laurdeneko bigarren zatian ez ziren ondo aritu ordiziarrak, eta hor erabaki zen partida. Laugarrenean suspertu egin ziren Biok Zerbitzuakekoak, eta 18 puntuko desabantaila 10era jaistea lortu zuten.
Saskibaloi Eskolako bilera
Bestalde, asteazkenenean, hilak 24, Saskibaloi Eskolan parte hartu nahi duten umeen gurasoei zuzendutako bilera izango da Barrena kultur etxean, 18:30ean. 2001, 2002, 2003 eta 2004. urteetan jaiotako haurrek parte har dezakete eskolan. Bilera horretan eskolaren funtzionamenduari eta ordutegiei buruzko informazioa emango diete gurasoei.
